Það eru hreint ótrúlegar tölur sem birtast á vef Hagstofu Íslands. Innflytjendur voru á síðasta ári, 2017, 16,5 prósent starfandi fólks á Íslandi. 16,5 prósent! Þarna er átt við fólk sem er fætt erlendis og á foreldra, afa og ömmur sem einnig eru fædd erlendis.
Þetta segir okkur ýmsilegt, meðal annars það að Ísland er orðið fjölmenningarsamfélag. Hugsanlegt er að þessi hlutfallstala eigi enn eftir að hækka, því hefur reyndar verið spáð. Eitthvað af fólkinu er tímabundið vinnuafl, en margir setjast að, enda er atvinnuástand mjög gott á Íslandi miðað við flest önnur lönd.
Og hitt er er að það efnahagsástand sem við erum að upplifa nú væri óhugsandi án allra þessara innflytjenda sem vinna störf sem margir Íslendingar líta ekki við – að því ógleymdu að við höfum einfaldlega ekki mannafla til að sinna þeim.
