Sigurður Ingi Jóhannsson, formaður Framsóknarflokksins, telur það eðlilegast að Katrín Jakobsdóttir fái stjórnarmyndunarumboðið, nú þegar Vinstri grænir, Sjálfstæðisflokkurinn og Framsókn  samþykktu að ganga til formlegra viðræðna um ríkisstjórnarsamstarf.

Þetta sagði hann við RÚV í dag.

 

 

 

„Það hefur verið uppleggið í þessum viðræðum þannig að það væri mjög eðlilegt að hún fengi umboðið til þess.“

Hann vildi þó ekkert segja um skiptingu ráðuneyta milli flokkanna:

„Við höfum fyrst og fremst verið að leggjast yfir málefnin á þessum óformlegu fundum þannig að það er eitthvað sem við þurfum að taka til.“

Hann sagði þá að viðræðurnar gætu tekið eina viku og að umræðurnar væru komnar langt á veg, en:

„…það er samt alltaf talsverð vinna að koma þessu skýrt á blað til að stefnan sé sem skýrust.
Aðalatriði er að þessi ríkisstjórn verði samhent, öflug og nái því fram sem ég held að samfélagið þurfi:
að það verði traust, stöðugleiki í pólitík og öflug ríkisstjórn sem getur tekið á þeim verkefnum sem eru fram undan.“