Minni þeirra sem koma fyrir Landsdóm er býsna valkvætt. Menn muna það sem hentar þeim – annað ekki.

En það þarf ekki annað en að fletta smávegis í fjölmiðlum til að sjá hvernig ástandið var.

Hér er til dæmis frétt úr helsta viðskiptablaði Noregs, Dagens Næringsliv frá því í mars 2008 þar er meðal annars fjallað um sjarmaherferð Geirs Haarde – þegar hann fór um heiminn til að reyna að sannfæra menn um allt væri í lagi með viðskiptalífið á Íslandi.

Dagens Næringsliv vitnar í Financial Times sem sagði um þetta leyti að Ísland væri fyrsta ríki í heiminum sem væri rekið eins og vogunarsjóður.