Horfði í gærkvöldi á merkilega mynd eftir Robert Redford sem er komin út á diski. Hún nefnist The Conspirator.
Myndin fjallar um réttarhöldin yfir samsærismönnum sem stóðu að tilræðinu við Abraham Lincoln forseta 1865.
Sjónum er einkum beint að konunni Mary Surrat, en hún rak gistiheimili í Washington þar sem samsærismenn voru gestir.
Mary Surrat var að lokum hengd fyrir aðild sína að tilræðinu. Ef marka má myndina er hugsanlegt að það hafi verið dómsmorð.
En myndin fjallar reyndar um fleira – hún er nefnilega full af skírskotunum í nútímann, og hvernig gengið hefur verið á borgaraleg og stjórnarskrárbundin réttindi í Bandaríkjunum síðustu árin – eftir 11/9.
Úr The Conspirator: Samsærismenn hengdir.
