Ráðamenn í Ísrael segja að Íranir standi á bak við tilræði gegn ísraelskum diplómötum.

Sjálfir hafa Ísraelar verið að dunda sér við að salla niður kjarnorkuvísindamenn frá Íran.

Svona stigmagnast spennan.

Sagnfræðingurinn og ný-íhaldsmaðurinn Niall Ferguson skrifar grein í Newsweek og hvetur til þess að Bandaríkin og Ísrael ráðist á Íran.

Samkvæmt honum verður þetta hálfgerður barnaleikur.

Maður hefur svosem heyrt það áður – nú síðast í Írak.

Oft virkar það vel í bandarískum stjórnmálum að skaka spjótum – þegar litið er til skemmri tíma tapa bandarískir forsetar sjaldnast á því að fara í stríð. Þrýstingurinn á Obama vegna Írans er að magnast – menn eins og Ferguson eru gagnlegir til að móta rökin fyrir stríðsaðgerðum.

Það er afar slæmt ef Íranir eignast kjarnorkuvopn, en þá má ekki gleyma því að Ísrael er eina kjarnorkuveldið á svæðinu.