Í Kiljunni annað kvöld hittum við Önnu Rósu grasalækni. Hún hefur tekið saman gagnlegt og glæsilegt rit sem nefnist Íslenskar lækningajurtir. Þetta er handbók með myndum og ýmsum fróðleik sem ætti að geta gagnast almenningi mjög vel. Við fáum að prófa ýmislegt sem Anna Rósa gerir úr grösunum.
Við förum á Mokka og hittum Davíð Þorsteinsson. Hann hefur nýskeð gefið út ljósmyndabók sem nefnist Óður – hún hefur að geyma myndir sem hann tók mestanpart í miðborg Reykjavíkur árunum 1983 til 1997. Á myndunum má meðal annars sjá ýmsa þekkta borgara frá þeim tíma.
Við fjöllum um nýútkomna glæsiúgáfu af Íslenskum fuglum eftir Benedikt Gröndal. Ekkert er sparað í þessari fokdýru útgáfu sem kemur út í aðeins hundrað eintökum, en við skoðum líka hlut Benedikts, þessa sérlega fjölhæfa manns, sem teiknara og hönnuðar.
Bækurnar sem Páll Baldvin og Kolbrún fjalla um að þessu sinni eru: Langur vegur frá Kensington eftir Muriel Spark, Veiðimennirnir eftir Jussi Adler-Olsen og Konurnar á ströndinni eftir Tove Alsterdal.
En Bragi talar um raunverulega legu Þingholtanna.
Vallhumall, íslensk lækningajurt.
