Hér hefur nokkuð verið rætt um nýlendur sem Kínverjar ætli að stofna víða um heim – jafnvel á Íslandi.

Það er mikill framkvæmdahugur í Kína, vissulega, og þar er fjármagn. En fyrirhyggjan er ekki alltaf mikil. Það hefur verið sett á flot furðuleg ruglhugmynd um að Kínverjar hugsi mjög langt fram í tímann – jafnvel í mörgum öldum – en það er í raun ekkert sem bendir til þess.

Hér er eitt dæmi um galna framkvæmd í Kína – það er hægt að nefna margt annað, eins og galtóma skrifstofuturna í Shanghai.

Þetta er draugaborgin Ordos, sem Hilmar Þór Björnsson skrifar um á hinu frábæra arkitektúrsbloggi sínu. Í borginni var ráðgert að byggi milljón manns – íbúarnir munu vera 5000.