Hér er stórkostleg myndasíða þar sem má sjá poppstjörnur með foreldrum sínum – árið er 1971, myndirnar eru úr tímaritinu Life. Myndirnar eru gleðigjafi.

Þarna eru karlar eins og David Crosby, Frank Zappa, Eric Clapton og Elton John, ægilegir töffarar, og hin æðislega Grace Slick – með mömmu og pabba.

Barnið sem Slick heldur á er líklega China Wing Kantner sem hún átti með söngvaranum og gítarleikaranum Paul Kantner, hann var líka í Jefferson Airplane.

Foreldrarnir eru annars ekkert sérstaklega glamúrlegir.

Merkilegt er að sjá innréttingar þessa tíma – þær þættu ekki allar smekklegar í dag, nema að sumt telst líklega retró.