Nú er búið að stofna á Facebook hóp sem nefnist Betri valkost á Bessastaði.

Nokkur fjöldi fólks hefur gengið til liðs við hann. Markmiðið er að finna einhvern til að fara í framboð gegn Ólafi Ragnari Grímssyni.

Þar fara fram vangaveltur um hvernig persóna þetta eigi að vera. Sitt sýnist hverjum, hjá sumum er eins og það þurfi bara að finna einhvern. Helst konu.

Maður finnur að mikil heift hefur brotist út gagnvart Ólafi Ragnari eftir tilkynninguna í gær.

Maður veit aldrei, en þetta kynni jafnvel að virka öfugt. Afla honum samúðar – eins og hér um árið þegar hópur bisnessmanna fór að auglýsa að hann væri óhæfur til að vera forseti.

Áhugaverðast er þó að líklega hafa flestir sem nú eru á móti Ólafi verið í hópi kjósenda hans og stuðningmanna á einhverjum tíma.