Stundum líður manni eins og séu tvær þjóðir í þessu landi.

Guðmundur Kristjánsson útgerðarmaður í Brimi segir að hann hafi verið plataður til að kaupa hlutabréf í bönkum – og því hafi hann enga skuldaniðurfellingu fengið.

Hann hafi gert samkomulag við banka – annars vegar hafi fyrirtæki sem hlutabréfin voru í verið sett í þrot og hins vegar hafi hann fallið frá skaðabótamáli við banka.

En ef Guðmundur, moldríkur maður með mikil ítök í íslensku viðskiptalífi, var plataður – hvað má þá segja um alla hina?

Sem eru kannski ekki jafn „fjármálalæsir“ og hann?

En auðvitað virkar þetta eins og orðhengilsháttur hjá auðmanninum sem hefur haldið mestri kvótaeign sinni og er nýbúinn að kaupa einbýlishúsið sem var áður í eigu Hannesar Smárasonar.