Hér er afar fróðleg grein sem birtist fyrir nokkrum árum í tímaritinu Vanity Fair.  Hún fjallar um bandaríska auðhringinn Monsanto.

Monsanto stefnir að því leynt og ljóst að ná taki á landbúnaðarframleiðslu í heiminum. Þetta er gert með einkaleyfum á  erfðabreyttu sáðkorni sem fyrirtækið framleiðir. Með ýmsum aðferðum er bændum þröngvað til að nota þetta sáðkorn, en fyrirtækið ofsækir þá sem það ekki gera.

Frægasta dæmið um sáðkorn frá Monsanto er korn sem er sérstaklega þolið gagnvart Roundup, illgresiseyði sem Monsanto framleiðir. Afleiðingin er meðal annars sú að nú er að verða til ofurþolið illgresi sem er mjög erfitt að uppræta.

Monsanto teygir sig líka inn í mjólkurframleiðslu. Það selur hormón sem eykur nyt í kúm – og er á sama tíma að reyna að eyðileggja viðskipti fyrir þeim mjólkurframleiðendum sem ekki vilja nota þessa hormóna.

Eins og kemur fram í greininni á Monsanto ljóta sögu þegar kemur að umhverfismálum. Fyrirtækið vill ekki kannast við þá sögu núna, en það hefur í gegnum framleitt efni sem hafa stórspillt náttúrulífi eins og díoxín og PCB.