Ef maður slær orðinu „samstaða“ inn í leitarvél koma upp ýmis svör.
Þarna er Samstaða – bandalag grasrótarhópa.
Þarna er stéttarfélag sem nefnist Samstaða.
Þarna eru samtök sem nefna sig Samstaða þjóðar.
Svo er það Samstaða þjóðar gegn Icesave.
Og Samstaða – pólskt samband verkalýðsfélaga.
Jú og svo er það Samstaða Lilju Mósesdóttur og Samstaða sem starfar í bæjarmálum á Patreksfirði.
Mér skilst að deilt sé um nafnið.
En auðvitað er þetta margþvælt heiti í stjórnmálabaráttu og vandséð að einhver eignarréttur sé á því þótt það hafi verið notað í hinu smáa byggðarlagi fyrir vestan.
