Fundir gærdagsins og næturinnar hafa í för með sér breytingar á Evrópusambandinu.

Bretar eru á móti – en það er af vafasömum ástæðum.

Þeir vilja ekki neinar hömlur á fjármálalífið í City – svonefndur Tobinskattur er þyrnir í þeirra augum sem og yfirþjóðlegt fjármálaeftirlit.

Í hinum alþjóðavædda heimi er fjármálaeftirlit sem starfar á grundvelli þjóðríkis ekki mikils virði, eins og reynslan hefur sýnt.

Bresk stjórnvöld eru ofurseld fjármálavaldinu. Þaðan koma peningar í sjóði flokkanna. Stjórnmálamennirnir þar hafa uppi heitstrengingar um að minnka  umfang fjármálakerfisins og auka á móti vægi framleiðslu.

En þegar á hólminn er komið eru það orðin tóm.