Sé það rétt að auðmenn séu að flýja úr landi vegna auðlegðarskatts þá er það enn eitt dæmið um hvað peningar eru óþjóðhollir.

Þeir láta sér þjóðerni engu varða, eigendur þeirra flytja þá þar sem minnst er tekið af þeim, hvort sem er í góðæri eða hallæri.

Þannig var fé flutt úr landi í stórum stíl á árunum upp úr 2000, þá var það til dæmis sett á reikninga í Lúxemborg eða aflandsfélög.

Og nú þegar kreppir að og þarf að standa undir þungum skuldum, þegar er atvinnuleysi og almenn kjaraskerðing, þá fer það líka.

Þetta sýnir hversu erfitt er að taka á misskiptingu auðsins í fjármálakerfinu sem við lifum í  – óbreyttir launþegar sitja nefnilega eftir. Þeir geta ekki farið í æfingar af þessu tagi – og það eru þeir sem sitja eftir með byrðarnar.

Til dæmis má spyrja í þessu sambandi hvort auðmennirnir sem flytja peninga sína burt ætli að halda áfram að nota íslenskt menntakerfi, íslenskt heilbrigðiskerfi og íslenskt menntakerfi.

Er það ekki frekar líklegt?