Atburðirnir á Haiti eru hræðilegri en orð fá lýst.
Í gær sagði ég frá fjölskyldu sem lenti í skjálftanum. Emily Sanson, móður sem var að leita að eiginmanni sínum og þremur ungum dætrum í rústunum. Hjálparkall frá henni barst út í heiminn með Blackberry síma.
Yngsta dóttir hennar, Alyahna, sem er rétt innan við tveggja ára, fannst undir líki föðurins, Emmanuels Rejouis, talsvert slösuð. Hann hafði greinilega reynt að skýla stúlkunni.
Áðan frétti ég að hinar dæturnar tvær, Zenzie og Kofie Jade, væru taldar af. Þær voru fjögurra og fimm ára.
En móðirin og yngsta dóttirin hefðu verið fluttar burt til Dómíníska lýðveldisins.
