Lesandi síðunnar sendi eftirfarandi línur:

— — —

Skúli Helgason segir að með því að Novator afsali sér skattaafslætti vegna gagnavers sé Björgólfur byrjaður að greiða til baka til samfélagsins! (sic)
Fyrir utan þá eðlilegu spurningu, hvers vegna enn eitt arðbæra fyrirtækið þarf meðgjöf ríkisins, þá er stærri spurning sem vaknar við þessi ummæli Skúla í fréttum í gærkvöld.
Ef Björgólfur afþakkar 100 milljónir í gjöf frá ríkinu, er hann þá þar með byrjaður að greiða til baka til samfélagsins?

Ég væri alveg til í að borga mínar skattaskuldir með því að afþakka gjafir frá ríkinu. Hvar sæki ég um?

Og halda menn virkilega að Novator jafni ekki út sínum fórnarkostnaði á aðra eigendur gagnaversins? Novator getur stöðvað framkvæmdina og hefur hana því í hendi sér. Fyrst ræða eigendur saman og Bjöggi kemur með hugmynd – „hey, við segjum bara að ég afsali mér 100 milljóna skattafrádrætti. Og svo splittum við 400 milljónum á milli okkar í staðinn. Það er ekki nema 20% minni meðgjöf ríkisins – svo við getum orðið ríkari.“