Þetta er merkileg frétt.
Baltasar Garzón, einn þekktasti saksóknari heims, berst fyrir starfi sínu vegna þess að honum hefur orðið það á að ætla að rannsaka glæpi frá tíma einræðisstjórnar Francos.
Þar brýtur hann hugsanlega lög sem kveða á um sakaruppgjöf vegna glæpa Francotímans. Margir Spánverjar vilja náttúrlega ekki hrófla við neinu frá þessum tíma.
Það eru fjölmennar mótmælagöngur á Spáni vegna þessa.
Garzón er frægur fyrir ýmis mál, meðal annars fyrir að hafa reynt að draga níðinginn Augusto Pinochet fyrir dóm, en hann hefur tekið á ýmsum málum sem tengjast mannréttindum og spillingu, hann hefur barist gegn hryðjuverkasamtökunum ETA og al Queida, argentískum hershöfðingjum, höfðað mál gegn gerspilltum spænskum stjórnmálamönnum, meðal annars ráðherra úr röðum sósíalista sem var viðriðinn leynilegar dauðasveitum sem nefndust GAL og Jesús Gil, eiganda fótboltafélagsins Atletico Madrid og bæjarstjóra í Marbeilla, sem hélt verndarhendi yfir alls kyns glæpastarfsemi á Costa del Sol.
Og er þá aðeins fátt eitt nefnt um þennan kjarkmikla mann.
