Erlendir kröfuhafar vilja aurana sína til baka, þeir munu ekki skilja að á Íslandi snýst uppgjör bankahrunsins líka um réttlæti. Það verður að hafa það þótt þeir rjúki burt í fússi. Þeir koma aftur.
Gunnar Andersen, hinn nýi forstjóri FME, sýnir að það er töggur í honum þegar hann vísar hrunverjum úr skilanefndum.
Enn situr Árni Tómasson, viðskiptafélagi Ólafs Ólafssonar, í skilanefnd Glitnis.
Annar félagi, Lárus Finnbogason, er nýfarinn úr skilanefnd Landsbankans en enn situr þar Lárentínus Kristjánsson sem samdi hina frægu ályktun Lögmannafélagsins þar sem er talað um svokallað hrun.
Ætli Lárentínus sé búinn að fatta hrunið, nú þegar kemur í ljós að gjaldþrot Björgólfs Guðmundssonar er algjörlega á heimsmælikvarða?
