Lára Hanna birtir fréttamynd ársins, af fyrrverandi forsætisráðherra og seðlabankastjóra að mótmæla fyrir utan alþingishúsið.

Og manni sem heldur á skilti fyrir aftan hann.

Myndin birtist fyrst í Morgunblaðinu í fyrradag. Það er eiginlega óskiljanlegt að hún hafi ekki verið sett á forsíðu.

En ljósmyndarinn getur beðið rólegur eftir því að taka við verðlaununum sínum. Þau ættu að vera í hendi.

Ein kenningin meðal stjórnmálaáhugamanna er reyndar sú að ein ástæðan fyrir því að sjálfstæðismenn samþykktu fyrirvarana fyrir helgi hafi verið sú að Davíð og Kjartan Gunnarsson voru mættir á vettvang til að mótmæla.

Þeir hafi óttast að lokast inni í pólitísku horni með þeim félögum.

Nema þeir hafi verið að flýta sér í brúðkaupið hjá Illuga á Flateyri.