Því var haldið fram á Íslandi eftir hrun að landið  yrði fyrst inn í kreppuna og fyrst út úr henni.

Þessu sama var haldið fram í Bretlandi, að það yrði framarlega inn í kreppu og kæmist fljótt út.

Fjármálakerfið þar væri svo sveigjanlegt.

Hagtölur bera þessu ekki vitni. Í Bretlandi valda samdráttur í ofvöxnu fjármálakerfi og sprungin húsnæðisbóla því að erfiðleikarnir dragast á langinn.

Um Ísland þarf ekki að fjölyrða. Hér er allt í kalda koli eftir áralanga óstjórn í efnahagsmálum.

Nú berast fréttir um að vöxtur mælist aftur í hagkerfum Þýskalands og Frakklands í fyrsta skipti síðan á fyrsta hluta síðasta árs – sem þýðir, samkvæmt BBC, að samdráttarskeiðinu er lokið í þessum helstu efnahagsveldum á meginlandi Evrópu.