Ögmundur Jónasson fagnar þverpólitískri niðurstöðu um Icesave og segist ætla að greiða henni atkvæði – þótt nýjasti vinur hans, Sigmundur Davíð, sé reyndar alveg á móti. Þeir hafa keppst um að mæra hvorn annan síðustu daga.
Höskuldur Þórhallsson framsóknarmaður segir að þetta sé tóm sýndarmennska sem muni ekki hafa nein áhrif á viðsemjendur okkar.
„Þetta er eitthvað sem Hollendingar og Bretar geta að sjálfsögðu vel fellt sig við,“ segir hann.
Bjarni Benediktsson telur aftur á móti að fyrirvararnir séu svo strangir að þeir jafngildi því að samningurinn hafi verið felldur, því verði að semja upp á nýtt, en þó hafi Hollendingar og Bretar engin málefnaleg rök til að fallast ekki á fyrirvarana.
