Smáflokkar – stundum kallaðir hinu asnalega nafni „óánægjuframboð“ – sem hafa komið inn á Alþingi Íslendinga hafa nær alltaf sprungið með einhverjum hætti.
Við höfum dæmi um Samtök frjálslyndra og vinstri manna, Bandalag jafnaðarmanna, Borgaraflokkinn, Kvennalistann og Frjálslynda flokkinn. Þessi framboð entust misjafnlega lengi.
En Borgarahreyfingin er búin að setja met. Hún sprakk á aðeins þremur mánuðum.
