Jessica Mulroney, vinkona hertogaynjunnar Meghan Markle, er sökuð um að hafa sent áhrifavaldi frá Kanada hótun um lögsókn.
Áhrifavaldurinn Sasha Exeter greindi frá því nýlega að Mulroney hefði móðgast eftir að sú fyrrnefnda kallaði eftir því að aðrir bloggara og áhrifavaldar lýstu yfir stuðning við Black Lives Matter hreyfinguna.
Exeter sagði að eftir ákalla hennar hefði hún fengið skilaboð frá Mulroney þar sem hún hótaði að eyðileggja feril Exeters. Eftir að Exeter greindi frá þessu opinberlega baðst Mulroney afsökunar en virðist svo í kjölfarið hafa sent Exeter einkaskilaboð og hótað lögsókn.
Hún deildi skjáskoti af hluta skilaboðanna þar sem stóð: „Bótamál – Gangi þér vel“.
Með skjáskotinu sagði hún: „Eftir að hún baðst opinberlega afsökunar á síðunni minni í gær þá fékk ég þetta í einkaskilaboðum. Takið eftir tímasetningunni sem sést í grænu efst á skjánum. Svo getur greyið ekki einu sinni stafað bótamál rétt… andvarp.“
Hún tjáði sig enn fremur í annarri færslu þar sem hún segir: „Þetta er það sem gerist þegar þú bendir einhverjum á forréttinda stöðu þeirra og auð. Þeir biðjast opinberlega afsökunar til að bjarga ímynd sinni en hóta þér svo lögsókn í einkaskilaboðum til að reyna að þagga niður í þér.“
Í myndbandi á síðunni hennar bætti hún við að hún ætti erfitt með að skilja hátterni Mulroney. „Ég veit ekki alveg hvað er í gangi hér því ég taldi mig koma því mjög skýrt á framfæri að ég ætla ekki að leyfa neinum að þagga niður í mér og ég mun ekki halda kjafti. Ég ætla að halda mínu striki og gera það sem ég þarf að gera til að verja mig. Ég veit í hreinskilni ekki hvort er verra hérna, að hún sé að nota stöðu sína og vald til að reyna að ógna lifibrauði mínu, eða að hún sé að nota stöðu sína til að reyna að þagga niður í mér, þetta verður að hætta.
Exeter segir að Mulroney hafi gert nákvæmlega það sem hvítir einstaklingar í forréttindastöðu eigi ekki að gera í umræðunni um kynþáttafordóma.
„Á bara einni viku náði Jessica að gera allt sem hvítar konur ættu alls ekki að gera í í einni mestu ólgu sögunnar vegna kynþáttafordóma. Það að hún sé að hóta mér – einstæðri móður, einstæðri svartri móður – í þessu ástandi er mér algjörlega óskiljanlegt. […] Þú getur ekki haldið því fram að þú standir með einhverjum á sama tíma og þú reynir að þagga niður í þeim í einkaskilaboðum.“
Mulroney missti starf sitt í sjónvarpsþætti vegna þessara deilna við Exeter þar sem hátterni Mulroney var talið fara gegn siðareglum sjónvarpsstöðvarinnar.
Mulroney hefur tjáð sig um málið á Instagram, en minnist þar í engu á hótunina sem hún sendi Exeter.
„Eins og einhver ykkar hafa séð þá áttum ég og Sasha Exeter í deilum. Hún benti réttilega á að ég væri ekki að gera nóg þegar kemur að mikilvægu og erfiðu umræðunni um kynþátt og óréttlæti í samfélaginu okkar. Ég tók því persónulega og það var rangt af mér. Ég veit að ég þarf að standa mig betur. Þau okkar sem hafa áheyrendur verða að nýta það til að sýna stuðning.“
