Það er stutt síðan leikkonan Alyssa Milano varð fyrir miklu aðkasti á samfélagsmiðlum eftir að hafa birt mynd af sér og fjölskyldu sinni með andlitsgrímur. Milano er einna þekktust fyrir að leika eina nornasysturina í ástkæru sjónvarpsþáttunum Charmed sem sýndir voru á Skjá einum á sínum tíma.
Á laugardag birti Milano mynd af sér með fjölskyldunni þar sem hún, maðurinn hennar Dave Bugliaro og börnin þeirra tvö eru öll með andlitsgrímur og sjálf er hún með beinhvíta heklaða grímu. Frá þessu greinir vefmiðillinn Yahoo. Myndinni fylgdu þessi skilaboð: „Grímurnar vernda heilsu okkar. Sýnið mér ykkar grímu!“
Leikkonan er með yfir þrjár milljónir fylgjendur svo myndin ferðaðist á milli internettrölla eins og veira í gegnum ættarmót.
Show me your masks! Masks keep people safe and healthy. Show me yours! Ready? Go! #WearAMask pic.twitter.com/MV9xANK9ll
— Alyssa Milano (@Alyssa_Milano) May 23, 2020
Alyssa Milano hefur verið dugleg að breiða út boðskapinn um mikilvægi þess að nota andlitsgrímur til þess að lágmarka smit og notar meðal annars til þess kassamerkið #WearAMask.
https://www.instagram.com/p/B_L_aCUAZYt/?utm_source=ig_web_copy_link
Eins og gengur á internetinu í dag hrúguðust inn athugasemdir frá Twitter notendum um að andlitsgríman sem Milano væri með, væri nú ekki sérlega skilvirk í því að stöðva smit á Covid-19 veirunni vegna þess hve gróft heklaða efnið væri. Einn í athugasemdum segir: „Alyssa, þessi gríma er jafn hjálpleg og rimlahurð á kafbáti.“
Annar birtir mynd af grindverki og bendir á að heklaða gríman hennar Alyssu geri nákvæmlega jafn mikið og og grindverkið til þess að halda moskítóflugum frá.
Your mask is exactly what this fence does to keep mosquitoes out. pic.twitter.com/G5GT5A3Z9p
— Not PC (@ksbyron) May 23, 2020
Milano var snögg að svara gagnrýninni: „Gríman er með kolefnasíu innaná. Hún er vissulega hekluð en hún virkar jafnvel og aðrar grímur.“ Einnig birtir hún mynd af kolefnasíu sem hún keypti til þess að setja inn í grímuna. Einnig segir hún að mamma hennar hafi heklað grímuna.
Aðrir taka þá upp málstað Alyssu og benda á að svo lengi sem það er kolefnasía inni í grímunni, þá sé hún fyllilega nothæf og virk.
A crocheted mask WITH a filter pocket sewn on that I made. Works perfectly. People are some seriously judgy f*ckwads. @Alyssa_Milano you do you. ✌ pic.twitter.com/bL29Sx3ORa
— Stephanie Wilson (@Mrs_Kity) May 23, 2020
Þá endurtístir Milano skemmtilegu tísti annars samfélagsmiðilnotanda sem tekur upp hanskann fyrir hana. Þar segir: „Hvílík myndlíking fyrir lífið… Vanvitar sem dæma eitthvað á yfirborðinu án þess að vita hvað leynist í djúpinu… Standið ykkur betur fólk.“
