fbpx
Mánudagur 06.apríl 2020
Bleikt

Stjörnuspá vikunnar: Gamall vinur er ekki allur þar sem hann er séður

Ritstjórn Bleikt
Sunnudaginn 15. mars 2020 20:30

Ekki missa af Helstu tíðindum dagsins í pósthólfið þitt

Lesa nánar

Stjörnuspá vikunnar

Gildir 15. – 21. mars

stjornuspa

Hrútur
21. mars–19. apríl

Þú fyllist miklum eldmóði, sérstaklega varðandi allt er varðar hollustu og heilbrigði. Þú finnur þörf fyrir að hreyfa þig og það lætur þér líða afskaplega vel. Þú ert samt ekki hrifin/n af hefðbundnum líkamsræktarstöðvum en finnur tíma á óvæntum stað sem á eftir að fylla þig lífshamingju.

stjornuspa

Naut
20. apríl–20. maí

Undanfarna mánuði hefur þér fundist eins og enginn hafi tekið eftir þér og að þú sért eiginlega ósýnileg/ur. Í þessari viku hins vegar kemstu að því að fólk hefur vissulega tekið eftir því góða starfi sem þú hefur unnið og þú uppskerð laun erfiðis þíns. Virkilega spennandi tækifæri verður á vegi þínum.

stjornuspa

Tvíburar
21. maí–21. júní

Líf þitt hefur einkennst af ringulreið undanfarið og þér finnst þú stundum vera að missa tök á lífinu. Nú færist hins vegar ró yfir allt og þú sættir þig fyllilega við þitt hlutskipti í lífinu. Hlutir fara eins og þeir fara og maður getur ekki breytt öðrum en sjálfum sér. Þetta skaltu hafa hugfast til að forðast frekari örvilnan.

stjornuspa

Krabbi
22. júní–22. júlí

Þú tekur til hendinni og endurskipuleggur þig frá A til Ö. Þú færð endanlega leiða á öllu ruslinu í kringum þig og ákveður að taka til í kringum þig. Hins vegar felst þessi endurskipulagning og tiltekt einnig í því að kafa ofan í sjálfið þar sem þú verður að meta hvað sé nauðsynlegt fyrir þig til að lifa sómasamlegu lífi.

stjornuspa

Ljón
23. júlí–22. ágúst

Síðustu vikur hafa verið þér erfiðar og það hefur mikið mætt á þér. Svo mikið að þú hefur ekki getað eyrnamerkt tíma til að rækta þig sjálfa/n eða leyst vandamál sem hvíla þungt á þér. Nú er þungu fargi af þér létt og þú dembir þér í mikla sjálfsvinnu til að ákveða hvert þú ætlar að fara með lífið og núverandi samband sem þú ert í.

stjornuspa

Meyja
23. ágúst–22 .sept

Þú hefur verið að læðast með veggjum og látið lítið fyrir þér fara, sem er svo sem ekki mjög ólíkt þér. Þú nýtur einverunnar og hefur þurft að spá í aðeins of mörg praktísk atriði. Nú er hins vegar komið að þér að sletta úr klaufunum og þú ferð á óviðjafnanlegan viðburð sem opnar nýjan heim.

stjornuspa

Vog
23. sept–22. okt

Þú þarft að eyða næstu viku eða tveimur í að sleppa tökunum á ákveðnu verkefni eða vandamáli og fyrirgefa. Þú átt yfirleitt auðvelt með að fyrirgefa og halda áfram, en í þetta sinn reynist þér það erfitt, einhverra hluta vegna. Gamall vinur kemur aftur inn í líf þitt og þarf hjálp. Hins vegar er þessi vinur ekki allur þar sem hann er séður.

stjornuspa

Sporðdreki
23. okt–21. nóv

Þú átt stundum erfitt með að brjóta odd af oflæti þínu en í þessari viku verður þú að taka á honum stóra þínum. Þú kyngir stoltinu þegar þú biður um hjálp frá reynsluminna fólki en þér og það pirrar þig að þetta fólk hafi rétt fyrir sér. Þú lærir mikilvæga lexíu um samvinnu sem þú mátt ekki gleyma.

stjornuspa

Bogmaður
22. nóv–21. des

Það er allt á fullu spani hjá þér þessa dagana, kæri bogmaður. Þú sérð atvinnutækifæri sem heillar þig og þú stekkur ekki aðeins á það heldur trampar á því af öllum þínum mætti. Þú ert tilbúin/n að byrja upp á nýtt á þínum ferli, fara í allt aðra átt og það eru virkilega skemmtilegir tímar fram undan.

stjornuspa

Steingeit
22. des–19. janúar

Þú ferð aðeins út úr boxinu og stingur upp á hugmynd sem fólkið í kringum þig kveikir ekki alveg strax á. Gefðu því tíma – það fattar þetta á endanum. Svo er það blessað fjölskyldulífið þar sem aldrei ríkir lognmolla. Þú nærð að vera höfuð fjölskyldunnar, heldur ávallt ró þinni, en núna fer þessi ringulreið verulega í taugarnar á þér.

stjornuspa

Vatnsberi
20. janúar–18. febrúar

Þú hefur enga þolinmæði fyrir innantómum orðum og innihaldslausum samræðum. Tími þinn er afar dýrmætur og þú einbeitir þér að því að koma hlutum í verk, ekki bara blaðra og þvaðra. Þú afkastar miklu um þessar mundir og verðlaunar þig með því að skipuleggja algjöra draumaferð.

stjornuspa

Fiskar
19. febrúar–20. mars

Þú hittir manneskju sem tengist vinnunni og þið náið samstundis saman. Þið byrjið strax að plana einhvers konar atvinnutækifæri, sem er afar spennandi þótt það gefi ekki mikið í aðra hönd. Nú er tími fyrir þig að skína og þú verður að fylgja eigin sannfæringu í þessu verkefni. Peningar eru ekki allt, mundu það.

Afmælisbörn vikunnar

16. mars – Páll Óskar Hjálmtýsson tónlistarmaður, 50 ára
17. mars – Guðrún Eva Mínervudóttir rithöfundur, 44 ára
18. mars – Kogga listakona, 68 ára
18. mars – Heimir Karlsson útvarpsmaður, 59 ára
19. mars – Björgólfur Thor Björgólfsson kaupsýslumaður, 53 ára
20. mars – Gísli Rúnar Jónsson leikari, 67 ára
21. mars – Atli Þór Fanndal blaðamaður, 37 ára

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 5 dögum

Kim Kardashian rýfur þögnina um slagsmálin – Móðir þeirra fór að gráta þegar hún sá myndbandið

Kim Kardashian rýfur þögnina um slagsmálin – Móðir þeirra fór að gráta þegar hún sá myndbandið
Bleikt
Fyrir 5 dögum

Otrar og órangútanar: „Elska að leika við þessa stóru loðnu vini sína“

Otrar og órangútanar: „Elska að leika við þessa stóru loðnu vini sína“
Bleikt
Fyrir 6 dögum

Læknir með ógnvænleg skilaboð til barna sinna – „Mamma reyndi sitt besta“

Læknir með ógnvænleg skilaboð til barna sinna – „Mamma reyndi sitt besta“
Bleikt
Fyrir 6 dögum

Kristín segir gott að skoða kynlífið í sóttkví – „Þú smitast ekki af COVID með sjálfsfróun“

Kristín segir gott að skoða kynlífið í sóttkví – „Þú smitast ekki af COVID með sjálfsfróun“
Bleikt
Fyrir 1 viku

Meghan Markle fékk reglulega kvíðaköst í Bretlandi – Þorði ekki út úr húsi

Meghan Markle fékk reglulega kvíðaköst í Bretlandi – Þorði ekki út úr húsi
Bleikt
Fyrir 1 viku

Elsta systkinið gáfaðast – Þetta er ástæðan

Elsta systkinið gáfaðast – Þetta er ástæðan

Tarot Spil

Veldu þér spil og sjáðu spádóm þinn.