Ástralski áhrifavaldurinn Katrina Irby deildi nýlega tveimur myndum á Instagram. Það eru aðeins fimm klukkutímar á milli þess að myndirnar eru teknar en mikill munur er á Katrinu. Á fyrri myndinni er hún með flatan maga en á seinni myndinni er hún með útþanin maga.

https://www.instagram.com/p/B7NXqiKBwlw/

Katrina, 29 ára, hefur verið opinská um magaþembu sem hún hefur glímt við. Magaþemba er ásigkomulag þar sem maginn virðist óþægilega fullur og spenntur og getur verið  bólginn og útþaninn.

Hún segist hafa byrjað kvöldið „útlítandi eins og nammi“ en endað það eins og hún væri „komin sex mánuði á leið.“

„Þetta er eftir að sitja í bíl í yfir þrjá tíma í Spanx aðhaldsbuxum, drekka allt of mikið af vatni því ég var svo svöng og síðan borða of mikið af japönskum mat eftir að hafa óvart svelt mig,“ segir Katrina.

„Og svo innan við klukkutíma eftir að ég kom heim, slakaði á og fór úr þessum þröngu fötum var maginn minn venjulegur aftur. Það er klikkað hvernig líkaminn virkar.“

https://www.instagram.com/p/B6DMInlhJzT/

Katrina segir að fólk eigi ekki að taka færsluna alvarlega heldur var hún að gera létt grín af því hvernig líkami hennar liti út.

„Hafið það í huga að allir líkamar eru ólíkir þannig ekki dæma ykkar líkama vegna einhvers annars.“

https://www.instagram.com/p/B6uXJAiBmMr/

Katrina er með yfir milljón fylgjendur á Instagram og vakti færslan mjög jákvæð viðbrögð hjá fylgjendum hennar. Katrina er dugleg að breiða út boðskap jákvæðrar líkamsímyndar á Instagram og deilir óbreyttum myndum af líkama sínum.

Sjá einnig: „Raunveruleg“ mynd Instagram-fyrirsætu slær í gegn