Kylie hefur gert það gott undanfarið, fyrr á þessu ári var hún titluð sem yngsti sjálfskapaði milljarðamæringurinn í Forbes og í fyrra eignaðist hún sitt fyrsta barn með rapparanum heimsfræga Travis Scott.
Það sem er áhugavert við viðtalið í Playboy er að það er einmitt Travis Scott sem tekur viðtalið við kærustuna sína, Kylie Jenner. Það er því Travis sem spyr allra spurninganna í viðtalinu.
Playboy-viðtalið við Kylie hefur vakið mikla eftirvæntingu eftir að hún deildi afar eggjandi myndum úr viðtalinu með fylgjendum sínum á Instagram.
Í viðtalinu var Kylie spurð að mörgu en það sem hefur vakið mesta athygli er þegar talið berst að því hvernig það fer saman að vera bæði móðir og kynvera.
Travis Scott: Fjöldi fólks heldur því fram að það að eignast barn geti eyðilagt kynlífið en mér líður eins og það sé öfugt hjá okkur.
„Já, mér líður eins og við höfum pottþétt náð að afsanna þessa kenningu,“ segir Kylie og hlær
Travis Scott: En þú hefur heldur ekki breytt því hvernig þú lítur á þig sem kynveru með móðurhlutverkinu. Líður þér eins og ég hvetji þig áfram í því að vera bæði kynvera og móðir?
„Þú minnir mig á það að móðurhlutverkið og kynlífið getur verið til á sama tíma og þó svo að þú horfir á þig sem kynveru þá þýðir það ekki að þú sért slæm móðir. Þú getur verið kynþokkafull og frábær móðir á sama tíma.“
https://www.instagram.com/p/B2XFgRunJlS/
https://www.instagram.com/p/B2XELzrHJm9/