Jessica Simpson hefur enn og aftur verið „mömmu-smánuð“ (e. mom-shamed) á Instagram. Jessica var harðlega gagnrýnd í apríl síðastliðnum fyrir að birta mynd af yngri dóttur sinni, liggjandi á maganum.
Jessica á þrjú börn, þau Maxwell Drew 7 ára, Ace Knute 6 ára, og Birdie Mae 4 mánaða.
Nú er aftur verið að gagnrýna leikkonuna en í þetta sinn eftir að hún birti myndir af eldri dóttur sinni, Maxwell Drew.
Jessica deildi tveimur myndum af henni á Instagram. Á fyrri myndinni má sjá Maxwell með nýlitað hár og á þeirri seinni má sjá hana á hárgreiðslustofunni með hárgreiðslukonum.
Hárendar Maxwell voru litaðir bleikir, fjólubláir og bláir í anda The Descendants á Disney.
Gagnrýnendur Jessicu segja að Maxwell, sem er sjö ára, sé of ung til að láta lita á sér hárið.
„Af hverju að byrja að eyðileggja hárið hennar svona snemma?“ Skrifar einn netverji.
Annar skrifaði: „Svo ung að þetta er skömmustulegt.“
Hvað segja lesendur? Er Maxwell of ung til að lita á sér hárið?
