Maisie Squires, 16 ára, brenndist alveg skelfilega í fríi á Kúbu. Maisie var að kafa með fjölskyldunni í klukkutíma þegar hún brenndist svona illa. The Sun greinir frá.
Hún fékk tvær stórar blöðrur eins og sjá má á myndinni hér að neðan.
Maisie deildi myndinni og sagði að þetta hafi verið ástandið á henni rétt fyrir níu klukkutíma flug heim til Bretlands.
„Ekki spá í hversu bólgið og ógeðslegt bakið mitt er, en þetta er hvað sólbruni minn breyttist í þennan morgun, rétt fyrir níu klukkutíma flug til Bretlands. Svo hissa! Notið sólarvörn,“ skrifar Maisie.
Hún sagðist hafa verið með sólarvörn en sterku sólargeislarnir þurftu aðeins klukkustund til að brenna hana hrikalega illa.
„Ég var að kafa í klukkutíma og bakið mitt var í sólinni, en ég áttaði mig ekki á því að ég væri að brenna og ég var með sólarvörn. Ég fékk svona blöðrur því sólin var mjög heit í Kúbu á þriðjudaginn og ég er með mjög ljósa húð.“
Myndir af sólbruna Maisie hafa vakið mikla athygli og gengið eins og eldur í sinu um netheima.
Yfir tólf þúsund manns hafa deilt færslunni áfram og fjöldi fólks skrifað við myndina og lýst áhyggjum sínum.
Fólk hvatti hana að leita sér læknishjálpar og sagði að hún ætti alls ekki að fljúga heim í þessu ástandi.
Maisie svaraði á Facebook og sagði að hún hafði farið til læknis þegar hún kom heim og henni sagt að sprengja ekki blöðrurnar sjálf heldur myndu þær springa sjálfar með tímanum. Á myndinni hér að neðan má sjá þegar blöðrurnar hafa sprungið, en bakið enn þá mjög brennt og illa farið.
Maisie deildi síðast uppfærslu fyrir nokkrum klukkustundum síðan og þakkaði öllum fyrir skilaboðin sem hún hefur fengið.
„Bakið mitt er að gróa svo vel og hratt. Takk allir sem skrifuðu falleg skilaboð til mín. Vonandi mun fólk vita að nota sólarvörn í framtíðinni. Mín skelfilegu mistök hafa verið lærdómsrík fyrir flesta og einnig mig sjálfa.“