Fyrirsætan Gina Stewart er þekkt fyrir djarfar myndir sínar og hefur verið kölluð „kynþokkafyllsta amma í heimi.“
Gina er 49 ára og hefur verið í svokölluðu „skuggabanni“ (e. shadow ban) á Instagram síðastliðna tíu mánuði.
Skuggabann er takmörkun sem Instagram setur á reikninga notenda af ýmsum ástæðum. Sýnileiki fólks takmarkast og virkar ekki að nota myllumerki (e. hashtags).
Gina opnar sig um bannið og afleiðingar þess í viðtali við News.au.
https://www.instagram.com/p/B6GMnvPJ9WG/
„Já það hefur hægst verulega á fylgjendum mínum síðan ég var sett í skuggabann á Instagram,“ segir Gina.
„Ég hætti að geta notað myllumerki og síðan mín var sett í „leitunarbann“ þannig enginn gat fundið síðuna mína, þrátt fyrir að skrifa nafnið mitt í leitargluggann. Ég hef verið í banni í tíu mánuði og Instagram hefur tekið að meðaltali eina mynd út af síðunni minni á mánuði, sem setur mig alltaf aftur í bann.“
Gina spyr sig af hverju hún var sett í bann.
„Var það hvernig mjaðmirnar mínar eru, eða er það andlitssvipur minn?“
Á einni af myndunum sem var tekin út fyrir að „brjóta gegn reglum miðilsins“ er Gina nakin og vafin hvítu laki.
Gina segir þetta koma sér á óvart þar sem hún er „alveg hulin.“
„Er það of djarft fyrir Instagram að vera með lak í stað fyrir föt? Ég hef greinilega ekkert frelsi til sjálfstjáningar og þarf að fylgja þessum nýju menningarnormum sem er sett á okkur öll í þessum ritskoðaða heimi pólitískrar rétthugsunar,“ skrifaði Gina á Instagram.
https://www.instagram.com/p/B4_LaBFp-7i/
Hún segist telja efni sitt vera „heillandi“ (e. glamorous) og sýnir ekki meira en það sem þú myndir sjá á ströndinni.
„Mér finnst í alvöru ekkert á síðunni minni sem ætti að setja mig í bann,“ segir hún og bætir við að henni finnst hún vera „lögð í einelti“ af „risa Goliath fyrirtæki.“
Tilraunastarfsemi
Gina ákvað að fara í smá tilraunastarfsemi og breytti kyni sínu í karlkyn á Instagram. Síðan þá hefur samfélagsmiðillinn ekki fjarlægt neinar myndir af henni.
„Síðan ég breytti um kyn virðist síðan mín ekki lengur bönnuð og ég er loksins að byggja aftur upp fylgjendahóp minn.“
Á einum mánuði hefur hún fengið 10 þúsund nýja fylgjendur og engin mynd hefur verið tekin niður.
„Þetta því miður sýnir að menn komast upp með meira á Instagram,“ segir hún.
„Instagram er allt of viðkvæmur miðill!“