Sunnudagur 08.desember 2019
Bleikt

Lesið í tarot Helga Seljan: Landar vinnu á virtum, erlendum miðli

Ritstjórn Bleikt
Sunnudaginn 1. desember 2019 11:30

Ekki missa af Helstu tíðindum dagsins í pósthólfið þitt

Lesa nánar

Fjölmiðlamaðurinn Helgi Seljan kom sem stormsveipur inn í blaðamennskuna eftir stutta fjarveru og setti þjóðfélagið á annan endann með uppljóstrunum Kveiks í Samherjamálinu. En hvað ber framtíðin í skauti sér hjá Helga? DV ákvað að leggja fyrir hann tarot en lesendur eru minntir á að þeir geta sjálfir dregið sér tarotspil á vef DV.

Einstaklega vel gefinn

Fyrsta spilið sem kemur upp hjá Helga er Sverðkonungur. Það táknar persónuleika Helga, sem hefur marga fjöruna sopið. Hann er einstaklega vel gefinn og vel upp alinn, þótt hann hafi, eins og flestir,  misstigið sig í gegnum tíðina. Helgi er mjög uppfinningasamur og nýjungagjarn. Hann er sjálfstæður en þolir illa gagnrýni – hún sest á sálina. En vegna afburðagáfna og sköpunargáfu er Helgi mjög valdamikill maður og það skal aldrei vanmeta. Hann er metnaðargjarn og lætur ekki kaupa sig hingað eða þangað. Þetta eru miklir umbrotatímar hjá fjölmiðlamanninum því þótt hann sé hreykinn af því verki sem hefur verið unnið hjá RÚV þá þreytist sálin við mótlætið frá áhrifamönnum í samfélaginu.

Tilfinningaleg ringulreið

Næst er það Tunglið. Í raun hefur Helgi það á tilfinningunni að hann ráði ekki við eftirköst Samherjamálsins. Það er fjarri sanni. Hann má ekki detta ofan í vonleysi heldur verður að standa í lappirnar. Tilfinningar hans eru í einni ringulreið og hann gæti fundið fyrir einmanaleika í kjölfar þessarar miklu vinnu. Einkalífið hefur setið á hakanum og hann þarf að opna hjarta sitt á ný fyrir ást og hamingju, þótt vinnan einkennist af dimmu og drunga. Helgi verður að varast að láta innra ójafnvægi og svartsýni villa honum sýn, bæði í leik og starfi. Hann þarf að opna augun, horfa í kringum sig og sjá fegurðina í litlu hlutunum því framtíðin er björt.

Ný vinna

Loks er það spilið Breytingar. Samherjakaflinn er brátt á enda og nýr kafli við að hefjast. Umtalsverðar breytingar verða á högum Helga fyrr en síðar og eru þetta breytingar til batnaðar. Blaðamennskan togar í hann þótt hann vilji stundum henda henni út um gluggann. Hann fær nýtt og spennandi tækifæri í þessum bransa vegna uppljóstrana um Samherja. Við vinnslu þess máls hefur hann vakið heimsathygli og komið upp góðum samböndum og því verður þessi nýja vinna sem honum býðst erlendis. Um er að ræða stóran og virtan miðil sem þekktur er úti um heim allan. Hann hoppar á tækifærið eftir ígrunduð samtöl við fjölskylduna. Nú verður ekki aftur snúið. Helgi gefur fortíðina upp á bátinn og tekur framtíðinni opnum örmum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Refsaði dóttur sinni með því að taka yfir Instagram síðu hennar – Varð vinsælli en hún

Refsaði dóttur sinni með því að taka yfir Instagram síðu hennar – Varð vinsælli en hún
Bleikt
Fyrir 4 dögum

Það sem Lionel Richie finnst í alvöru um samband Sofiu og Scott Disick

Það sem Lionel Richie finnst í alvöru um samband Sofiu og Scott Disick
Bleikt
Fyrir 5 dögum

Helga er í opnu sambandi: Skömm, ótti og sektarkennd – „Hvað gerir maðurinn, þessi flotti maður sem ég á?“

Helga er í opnu sambandi: Skömm, ótti og sektarkennd – „Hvað gerir maðurinn, þessi flotti maður sem ég á?“
Bleikt
Fyrir 5 dögum

45 ára leikkona gagnrýnd fyrir bikinímynd – Svarar á stórkostlegan hátt

45 ára leikkona gagnrýnd fyrir bikinímynd – Svarar á stórkostlegan hátt
Bleikt
Fyrir 1 viku

Fór í fitusog aðeins sex vikum eftir fæðingu sonar síns

Fór í fitusog aðeins sex vikum eftir fæðingu sonar síns
Bleikt
Fyrir 1 viku

Sundfatafyrirsæta opnar sig: „Ég verð stundum svo ótrúlega einmana“

Sundfatafyrirsæta opnar sig: „Ég verð stundum svo ótrúlega einmana“

Tarot Spil

Veldu þér spil og sjáðu spádóm þinn.