Snapparinn Reynir Bergmann er staddur á Tenerife um þessar mundir með fjölskyldu sinni. Fjölskyldan fór í gærkvöldi út að borða með góðum vinum en skyndilega fór Reynir á skeljarnar og bað Sólveigar.

Eins og þeir sem fylgjast með Reyni á Snapchat vita, eignaðist parið dóttur sína Indíönu í beinni útsendingu í gegnum snappið fyrir um hálfu ári síðan. Fyrir eiga þau tvær aðrar dætur.

„Ég fór á hnén í dag og bað Sólveig um að giftast mér og hún sagði JÁ….“ Segir Reynir í opinni færslu á Facebook.

Segist Reynir hafa fengið góða vini með sér í verkefnið ásamt heilum veitingastað.

Enn er hægt að horfa á allt myndskeiðið á Snapchat: Reynir1980