Nýlega tókst honum að vekja athygli á þremur áhrifavöldum sem hegðuðu sér glæpsamlega í búningsklefa líkamsræktarstöðvar. Þeir birtu myndband af sér í klefanum, vera að hnykla vöðvana en í bakgrunn var maður að skipta um föt. Drengirnir vissu af manninum, enda horfðu þeir á myndbandið áður en þeir birtu það og settu tónlist við, svo svöruðu þeir netverjum sem gerðu grín að manninum í athugasemdum við myndbandið. Það var því mjög augljóst að þetta hafi verið viljandi.
„Ég verð virkilega pirraður að horfa á þetta myndband. Það er ógeðslegt að gera einhverjum þetta. Það að þið strákarnir voruð að passa ykkur að þið myndi sjást í manninn á bak við ykkur. Þið horfðuð á myndbandið áður en þið birtuð það, þið sáuð að hann var að skipta um föt – en ég þurfti að fela manninn,“ sagði Joey.
Hann setti rautt merki yfir manninn í myndbandinu, en drengirnir höfðu ekki gert það heldur birtu það þar sem sást í manninn skipta um föt.
„Síðan sáuð þið athugasemdir frá fólki sem var að gera grín að manninum. Hvað er að ykkur? […] En þið strákarnir fáið að læra lexíu í dag. Það er pottþétt skilti einhvers staðar í búningsklefanum sem segir að myndatökur séu bannaðar þarna inni. Veistu af hverju? Því þetta er ólöglegt […] þetta er álitið glæpur og ég vona að einhver kannast við þessa líkamsrækt svo þið verðið bannaðir og að þessi maður kæri ykkur.“
@thejoeyswoll UPDATE* They have been banned from the gym! #gymtok #gym #fyp ♬ original sound – Joey Swoll
Málið vakti gríðarlega athygli og fékk fyrsta myndbandið sem Joey birti yfir 15 milljónir áhorfa. En næsta myndband, með nýjum fréttum af málinu, fékk rúmlega 30 milljónir áhorfa, en margir voru ánægðir að það væri eitthvað réttlæti.
Joey sagðist hafa komist að því hvaða líkamsræktarstöð þetta hafi verið, rætt við talsmenn þess og fengið þær góðu fréttir að drengirnir væru nú bannaðir á stöðinni og öllum öðrum stöðum í eigu fyrirtækisins.
