Ástin kviknar og ástin slokknar, í tilfelli einstaklinganna hér að neðan gerðist það síðarnefnda á árinu og var til umfjöllunar í fjölmiðlum landsins.
Sjá einnig: Þau fundu ástina árið 2024
Knattspyrnumaðurinn Albert Guðmundsson og barnsmóðir hans, Guðlaug Elísa Jóhannsdóttir, hættu saman eftir níu ára samband. Þau eiga tvö börn.
Í sumar var Albert ákærður fyrir nauðgun og var sýknaður í haust. Dómnum hefur verið áfrýjað.
Leiðir skildu hjá Ósk Tryggvadóttur og Ingólfi Val Þrastarssyni í ár. Þau eiga saman son.
Ósk er vinsæll skemmtikraftur og rekur fyrirtækið Flame Entertainment, hún kemur fram á viðburðum sem eldgleypir og dansari. Þau njóta einnig mikillar velgengni á OnlyFans og hafa verið ötulir talsmenn fyrir réttindum kynlífsverkafólks um árabil.
Fegurðardrottningin og fyrirsætan Hugrún Birta Egilsdóttir varð einhleyp í byrjun árs. Hún og Jack Heslewood hættu saman, en Jack var valinn Mister World, eða Herra heimur, árið 2019.
Parið kynntist í gegnum fegurðarsamkeppnina Miss World, þar sem Hugrún keppti í fyrir hönd Íslands í mars 2022. Jack var kynnir í keppninni, en hann er einnig tónlistarmaður.
Söngkonan Emilíana Torrini og Rowan Patrick Robinson Cain eru að skilja. Emilíana og Rowan gengu í það heilaga sumarið 2019. Lítið fór fyrir giftingu þeirra en það kom fram í Lögbirtingablaðinu á sínum tíma að hjónin höfðu látið gera kaupmál
Leiðir skildu hjá leikkonunni og verðbréfamiðlaranum Höllu Vilhjálmsdóttur Koppel og Harry Koppel. Þau eiga saman þrjú börn
Ísdrottningin og fyrrverandi forsetaframbjóðandinn Ásdís Rán Gunnarsdóttir og Þórður Daníel Þórðarson hættu saman í maí. Þórður er eigandi Icestore.bg, sem er bæði verslun og netverslun í Búlgaríu sem selur nikotínpúða.
Þau voru þó bara hætt saman í stutta stund. Í júní greindi Ásdís frá því að þau væru byrjuð aftur saman.
„Við erum saman. Karlmenn geta verið svo dramatískir. Ef þeir eiga ákveðnar konur sem eru uppteknar þá getur komið upp krísa í paradís. Hann er svona eins og frekur, lítill krakki sem þarf aðeins að móta til,“ sagði Ásdís Rán á K100.
„Þetta var ekki beint pása meira svona fýlukast. En það verður að leyfa honum að njóta vafans því ég er ekki auðveld kona. Hef verið upptekin og hef sinnt honum illa. Svo var ég í forsetaframboði og hann hélt ég væri farin að eilífu. Það er ekki auðvelt að eiga eina Ásdísi Rán.“
