Það eru flestir farnir að kannast við nafnið Viktor Gyokores en um er að ræða framherja Sporting í Portúgal.
Gyokores er orðaður við stærri lið í Evrópu og eru góðar líkur á að hann spili á Englandi næsta vetur.
Svíinn vinnur undir Ruben Amorin hjá Sporting en sá síðarnefndi hefur samþykkt að taka við Manchester United og eru líkur á að Gyokores fylgi honum þangað.
Lið eins og Arsenal, Chelsea og Liverpool hafa einnig sýnt framherjanum áhuga en hann raðar inn mörkunum í Portúgal.
Það eru hins vegar ekki allir sem vita það að Gyokores elskar glamúr og glæsileika en hann er duglegur að spreða peningum er hann fær frí frá fótbolta.
Gyokores er í sambandi með portúgölsku leikkonunni Ines Aguiar en þau reyndu lengi að halda því sambandi leyndi en án árangurs.
Fyrir þann tíma var Gyokores í sambandi með þjóðþekktri fótboltakonu í Svíþjóð en hún ber nafnið Amanda Nilden og á að baki fimm landsleiki fyrir sterkt lið Svía.
Talið er að Gyokores hafi minni áhuga á að fara til London þar sem fyrrum kærasta hans, Amanda, býr nú í borginni enda er hún leikmaður Tottenham í efstu deild kvennaboltans.
Fyrrum kærasta Gyokores gæti svo sannarlega haft áhrif á hans ákvörðun og ýtir það undir að leikmaðurinn flytji ekki til London.
