Vala var gestur í Fókus, spjallþætti DV, í síðustu viku. Brot úr þættinum má horfa á hér að neðan en smelltu hér til að horfa á þáttinn í heild sinni eða hér til að hlusta á Spotify.
Sjá einnig: Vala Grand um föðurmissinn – „Það eru ekki allir svo heppnir að eiga svona góðan pabba. Hann var til staðar“
Vala fór til Kanada nokkrum dögum eftir jarðarför pabba síns. Þegar Vala kom heim hugsaði hún um samræður þeirra og allt sem þau töluðu um mánuðina fyrir fráfall hans. Hún segir að á þessum tíma hafi hún lært mikið um hann og kynnst honum enn betur. Þau ræddu meðal annars um tölvur en pabbi hennar hafði alltaf mikinn áhuga á tölvum og rifjar Vala upp fallegar æskuminningar.
Vala segir að eftir að hún kom heim frá Kanada hafi hún heimsótt gröf föður síns og spurt: „Hvað á ég að gera núna?“ Svarið rann upp fyrir henni.
„Ég ákvað að láta drauma hans verða að mínum veruleika. Ég skráði mig í skóla hjá NTV og ég er búin með fyrstu önnina, mér gekk ótrúlega vel og ég hlakka til að halda áfram og ætla að vera í upplýsingatæknibransanum. Mér finnst eins og ég sé að gera pabba minn stoltan, því hann hafði alltaf áhuga að læra þetta en síðan komu veikindin og hann var orðinn gamall. Ég hugsaði bara: Ég get þetta og mig langar að gera þetta. Ég hef áhuga á þessu og ég er góð í þessu,“ segir hún.
„Ég búin að vera í öllu, vera í tískubransanum, ég er búin. Ég hef veri í kynnisferðum í níu ár, í ferðabransanum, þannig það er alveg kominn tími til að breyta til.“
Vala ræðir nánar um föðurmissinn, lífið og margt fleira í þættinum sem má horfa á hér eða hlusta á Spotify.
Fylgstu með Völu Grand á Instagram.
