Lais Moraes, eiginkona markvarðarins Ederson, segir fréttir um hann sem komu út í gær alrangar.

Framtíð Ederson hjá Manhester City hefur verið mikið í umræðunni. Það er talið að hann vilji fara frá félaginu og til Sádi-Arabíu.

Í grein sem The Athletic gaf út í gær kom fram að það væri að hluta til vegna þess að Ederson sé pirraður á öllu lofinu sem varamarkvörður City, Stefan Ortega, fékk eftir leik gegn Tottenham í vor. Ortega átti ótrúlega vörslu frá Heung-Min Son í leiknum sem átti stóran þátt í að City skákaði Arsenal í baráttunni um Englandsmeistaratitilinn.

Eftir leik mátti heyra stuðningsmenn segja að Ederson, sem fór meiddur af velli í leiknum, hefði ekki varið þetta og þar fram eftir götum. Það var hann alls ekki sáttur með samkvæmt miðlinum.

Moraes gat ekki setið á sér eftir þessar fullyrðingar. „Aflið ykkur betri upplýsinga. Þetta eru falsfréttir,“ skrifaði hún á Instagram.