Liverpool er orðað við ansi áhugaverðan leikmann sem ber nafnið Takefusa Kubo en hann er fyrrum undrabarn frá Japan.

Kubo eins og hann er yfirleitt kallaður leikur með Real Sociedad á Spáni og hefur gert flotta hluti frá 2022.

Real Madrid keypti Kubo frá heimalandinu árið 2019 en hann náði ekki að leika deildarleik fyrir félagið.

Jokin Aperribay, forseti Sociedad, hefur nú tjáð sig um málið og viðurkennir að allt geti gerst í sumar.

,,Eins og er þá eru engin vandamál okkar á milli, við erum ekki í viðræðum við neitt félag,“ sagði Aperribay.

,,Við erum á markaðnum og allt getur gerst en Kubo er ánægður hér og verður það áfram. Við elskum hann mikið og við vonumst til að halda honum hjá La Real að eilífu.“