Átta fengu að gista í fangageymslum lögreglunnar á höfuðborgarsvæðinu í nótt.

Tveir einstaklingar voru handteknir í miðborginni vegna brota á lögreglusamþykkt, en báðir voru ölvaðir að valda óspektum. Annar þeirra gekk niður miðbæinn, með flösku í hönd, barði í glugga, sparkaði í ruslatunnur og var með almenn leiðindi. Sá þriðji verður einnig kærður fyrir brot á lögreglusamþykkt, en óskað var eftir aðstoð lögreglu vegna aðila í annarlegu ástandi. Hann var vistaður í fangaklefa.

Tveir einstaklingar voru vistaðir í fangaklefa þar sem þeir voru ofurölvi, báðir sofandi á gangstétt í miðborginni. Til að tryggja öryggi þeirra voru þeir handteknir og fluttir á lögreglustöðina við Hverfisgötu þar sem þeir fá að sofa úr sér í fangaklefa.

Í umdæmi lögreglunnar í Kópavogi og Breiðholti voru sex ökumenn kærðir fyrir of hraðan akstur. Ökuhraði bifreiða mældist frá 105-109 km/klst. þar sem hámarkshraði er 80 km/klst.

Í umdæmi lögreglunnar í  Grafarvogi/Árbæ/Mosfellsbæ var einn tekinn fyrir of hraðan akstur, ökuuhraði bifreiðar mældur á 115 þar sem hámarkshraði er 90. Þrír ökumenn voru handteknir, grunaðir um akstur undir áhrifum fíkniefna. Hefðbundið ferli og þeir lausir að blóðsýnatöku lokinni. Tilkynnt var um innbrot og eignaspjöll og fór lögegla á vettvang.

Tilkynnt var um nakinn einstakling að veitast að bifreiðum. Lögregla fór á vettvang og tryggði ástand, aðilinn augljóslega undir áhrifum og hann vistaður í fangaklefa sökum ástands.