Það var gríðarleg dramatík þegar Albanía og Króatía gerðu 2-2 jafntefli í fyrsta leik dagsins á Evrópumótinu

Eftir skell gegn Spáni í fyrstu umferð byrjaði Króatía illa í dag og Qazim Laçi kom Albaníu yfir.

Þannig var staðan í hálfleik en Zlatko Dalić gerði góðar skiptingar sem kveiktu í liði Króata.

Andrej Kramarić jafnaði fyrir Króatíu á 74 mínútu og tveimur mínútum síðar var Króatía komið yfir.

Klaus Gjasula sem hafði verið á vellinum í fjórar mínútur setti þá boltann í eigið net.

Gjasula hengdi ekki haus og jafnaði leikinn fyrir Albaníu á 96 mínútu leiksins. Lokastaðan 2-2.

Bæði lið með eitt stig eftir tvær umferðir en Spánn og Ítalíu eru með þrjú stig og mætast á morgun.