Rodrigo Bentancur, liðsfélagi Heung Min Son, hefur beðið vin sinn afsökunar eftir ummæli sem hann lét falla í beinni útsendingu.
Bentancur ræddi við úrúgvæskan fjölmiðil og sagði þar að allir leikmenn Suður-Kóreu væru svipaðir eða að þeir litu alveg eins út.
Ummælin eru svo sannarlega rasísk og kom Bentancur sér í mikið vesen en hann ætlaði þó alls ekki að særa Son að eigin sögn.
,,Fyrirgefðu bróðir. Ég biðst afsökunar á því sem gerðist, þetta var bara virkilega lélegur brandari,“ skrifaði Bentancur.
,,Þú veist að ég elska þig og veist að ég myndi aldrei vanvirða þig eða særa þig eða annan mann. Ég elska þig bróðir.“
Bentancur hefur fengið mikla gagnrýni fyrir ummælin en fjölmiðlamaðurinn bað hann um treyju Son áður en miðjumaðurinn ákvað að fara vel yfir strikið og vill meina að það sé erfitt að sjá muninn á leikmönnum Suður-Kóreu.
Mynd af hans afsökunarbeiðni má sjá hér.
