Liverpool þarf sterklega að íhuga það að selja Mohamed Salah í sumar ef félagið fær rétt tilboð frá Sádi Arabíu.
Þetta segir Jose Enrique, fyrrum leikmaður liðsins, en Salah hefur oft verið bendlaður við lið í Sádi.
Liverpool fékk tilboð upp á 200 milljónir punda síðasta sumar en svaraði neitandi sem kom mörgum á óvart.
Salah er 31 árs gamall en Enrique segir að hann sé ekki sami leikmaður í dag og fyrir nokkrum árum og að Liverpool þurfi að íhuga sölu.
,,Mohamed Salah er ekki alveg sami leikmaður og hann var fyrir þremur árum. Hann er ekki að taka leikmenn á eins mikið en hann er þó markavél,“ sagði Enrique.
,,Ef ég starfaði hjá Liverpool og rétta tilboðið kæmi á borðið, segjum yfir 100 milljónir punda þá myndi ég sterklega íhuga það.“
