Emmanuel Macron, Frakklandsforseti, greindi frá því fyrir stundu að hann hyggðist rjúfa þing í landinu og boða til kosninga. Ákvörðunin er viðbragð við yfirvofandi kosningasigri hægri flokka í Evrópukosningum þar í landi.
Útgönguspár gera ráð fyrir að tveir hægri flokkar, annars vegar franska Þjóðfylkingin, sem Marine Le Pen leiðir, og hins vegar Reconquete, flokkur Eric Zemmour, nái um fjörutíu prósenta fylgi.
Ráðgert er að kosið verði til þings í Frakklandi þann 30. júní og 7. júlí næstkomandi.
Le Pen fagnaði ákvörðun Macron og sagði sigri hrósandi að hún og flokkur hennar væri tilbúin til að taka við völdum í landinu.
