Stærstu deildir Evrópu ætla að setja pressu á FIFA, ef Heimsmeistaramóti félagsliða verði ekki breytt þá muni félögin sniðganga keppnina.

Enska úrvalsdeildin og La Liga eru á meðal deilda sem ætla nú að setja pressu á FIFA.

FIFA hefur kynnt nýtt fyrirkomulag á keppninni þar sem 32 lið mæta á HM félagsliða næsta sumar og mun mótið taka fjórar vikur.

Félögunum finnst álagið nóg fyrir svo ekki sé sett upp nýtt fjögurra vikna mót af FIFA.

„Fótboltinn er að drepa sína eigin vöru,“ segir Maheta Molango stjórnandi leikmannasamtaka í Bretlandi.

„Ef þeir breyta ekki þá höfum við þá ábyrgð að fara í mál við þá. Yfirvöld hafa haft tækifæri til að ræða við okkur en ekki gert það.“

„Álagið á leikmönnum í dag er nú þegar of mikið.“

Manchester City, Real Madrid og fleiri lið eru á því að þessi keppni sé komin úr böndunum og vilja ekki taka þátt í henni með þessu nýja fyrirkomulagi.