Athafna- og áhrifavaldaparið Hafdís Björg Kristjánsdóttir og Kristján Einar Sigurbjörnsson, kallaður Kleini, voru á dögunum gestir í Fókus, spjallþætti DV.

Parið hefur haldið sig til hlés frá sviðsljósinu undanfarna mánuði, sérstaklega Kleini sem hefur verið í pásu frá samfélagsmiðlum síðan í lok júlí í fyrra. Í þættinum ræða þau hvað þau hafa verið að bralla undanfarna mánuði, hvað sé fram undan og margt fleira. Þú getur horft á brot úr þættinum hér að neðan en smelltu hér til að horfa á hann í heild sinni. Þú getur einnig hlustað á Spotify, Apple Podcasts eða Google Podcasts.

Kleini hefur ekki verið á samfélagsmiðlum síðan í júlí í fyrra, fyrir utan eftirminnilega endurkomu þar sem hann birti myndband af sér gefa Hafdísi Porche-bíl í jólagjöf. Stuttu síðar seldu þau bílinn og sögðu að þetta hafi ekki verið bíllinn sem Hafdísi langaði í raun og veru.

Sjá einnig: Kleini sneri aftur á samfélagsmiðla með svakalegt myndband – Kom Hafdísi rækilega á óvart með risajólagjöf

Hvernig bíl eiga þau núna?

„Við erum á Jaguar I-Pace,“ segir Kleini og bætir Hafdís við: „Eins og er…“

„Ég dýrka þennan bíl en ég er bara búin að læra það í þessu sambandi að tengjast ekki bílunum því ég veit aldrei hvaða bíll er í hlaðinu. Þetta er mesti bílabraskari sem ég veit um. Hann dýrkar bíla og þegar hann er kominn með bílinn sem hann langar í þá [langar honum í einhvern annan],“ segir Hafdís kímin.

Þau fara yfir alla bílana sem þau hafa keypt og selt undanfarið ár, eins og Porche, Teslu og Mözdu, í spilaranum hér að ofan. Brotið er hluti af nýjasta þætti af Fókus sem má horfa á hér eða hlusta á Spotify.