Mauricio Pochettino, stjóri Chelsea, viðurkennir að starf hans gæti verið í hættu eftir slæma frammistöðu liðsins í gær.

Chelsea er í neðri hluta ensku úrvalsdeildarinnar þessa stundina eftir 4-2 tap heima gegn Wolves.

Möguleiki er á að Pochettino sé orðinn valtur í sessi og veit hann sjálfur að starfið er ekki öruggt um þessar mundir.

,,Við biðjum stuðningsmennina afsökunar og tökum alla ábyrgð á þessu,“ sagði Pochettino.

,,Það er enginn að standa sig nógu vel eins og er, það er sannleikurinn og ég tilheyri þeim hóp og tek sökina á mig.“

,,Ég er sá sem ber mesta ábyrgð á þessu gengi, það sem við gerðum í dag var langt frá því að vera nógu gott.“

,,Það er enginn öruggur hérna en við getum ekki gefist upp og munum reyna að snúa hlutunum við.“