En eitt það nýjasta sem hefur komið fram í málinu er að iPhone sogaðist út úr vélinni þegar hurðin var dottin af og hrapaði hann til jarðar úr 4,8 km hæð. Það sem gerir þetta athyglisvert er að síminn slapp heill frá þessu. USA Today skýrir frá þessu.
Það var Seanathan Bates sem fann símann og eftir því sem hann segir á samfélagsmiðlinum X þá var síminn stilltur á flugstillingu og kvittun fyrir farangri var opin í honum.
Í samtali við bandaríska sjónvarpsstöð sagðist hann hafa fundið símann í runna við veg í Oregon, á sama svæði og hurðin úr vélinni fannst.
Talskona samgönguyfirvalda þakkaði Bates fyrir að hafa tilkynnt um fundinn til yfirvalda.
Annar heill sími fannst einnig á svæðinu og eru yfirvöld að rannsaka hvort hann hafi einnig verið í vélinni.
USA Today ræddi við Lou Bloomfield, prófessor emeritus í eðlisfræði, um málið og sagði hann að sérstakt eðlisfræði lögmál skýri hvernig síminn slapp heill frá því að hrapa 4,8 km til jarðar.
Hann sagði að síminn hafi örugglega náð „banvænum“ hraða snemma á leiðinni niður. Það þýði að hraðinn hafi aukist þar til loftmótstaðan gerði sitt og sá til þess að hann hætti að auka hraðann. Síðan hafði það verið algjörlega afgerandi að síminn lenti mjúklega í runna. Ef hann hefði lent nokkrum metrum til hliðar við hann, hefði hann ekki átt möguleika á að sleppa heill.
