Tottenham vann sigur í ensku úrvalsdeildinni í dag er liðið mætti Everton á heimavelli sínum í London.

Richarlison og Heung Min Son gerðu mörk Tottenham en Andre Gomes lagaði stöðuna fyrir Everton undir lok leiks.

Everton ógnaði marki Tottenham verulega undir lokin en mistókst að jafna og heimasigur staðreynd.

Burnley vann á sama tíma frábæran sigur á Fulham þar sem Jóhann Berg Guðmundsson var frá vegna meiðsla.

Burnley gerði sér lítið fyrir og vann 2-0 sigur á útivelli og er nú aðeins fjórum stigum frá öruggu sæti.

Erfitt gengi Newcastle hélt þá áfram en liðið tapaði í dag 1-0 gegn nýliðum Luton.

Dominic Solanke hefur verið óstöðvandi fyrir Bournemouth undanfarið og gerði þrennu í 3-2 sigri á Nottingham Forest.

Hér má sjá öll úrslit og markaskorara dagsins.

Tottenham 2 – 1 Everton
1-0 Richarlison(‘9)
2-0 Heung Min Son(’18)
2-1 Andre Gomes(’82)

Luton 1 – 0 Newcastle
1-0 Andros Townsend(’25)

Fulham 0 – 2 Burnley
0-1 Wilson Odobert(’47)
0-2 Sander Berge(’66)

Nott. Forest 2 – 3 Bournemouth
1-0 Anthony Elanga(’47)
1-1 Dominic Solanke(’51)
1-2 Dominic Solanke(’58)
2-2 Chris Wood(’74)
2-3 Dominic Solanke(’93)