Af öryggisástæðum er verið að rýma Grindavík í þessum töluðum orðum. Þetta kemur fram í fréttatilkynningu frá Lögreglustjóranum á Suðurnesjum. Misvísandi upplýsingar bárust þó um tíma því Almannavarnir virtust afturkalla rýminguna.

Ástæðan fyrir rýmingunni var sú að gasmælar Veðurstofunnar við bæinn sýndu aukið SO2 gildi, sem er ein af mögulegum vísbendingum þess að eldgos gæti hafist . Benedikt Ófeigsson, fagstjóri hjá Veðurstofunni, segir í samtali við fréttastofu RÚV aðengar vísbendingar um að gos sé að hefjast á öðrum mælum. Þau vilji samt ekki útiloka það, gas komi ekki fram nema kvika sé komin mjög ofarlega í jarðskorpuna. Nú er bara verið yfirfæra þessar mælingar og menn vilja bara vera „ofurvarkárir,“ að sögn Benedikts.

Rétt er því að ítreka að þetta er ekki neyðarrýming og verður farið skipulega í að rýma bæinn og það gert í rólegheitunum.

Fréttin verður uppfærð