Heiðrún er gestur vikunnar í Fókus, spjallþætti DV. Hún byrjaði að hreyfa sig árið 2014 og þá var ekki aftur snúið. Í kjölfarið fékk hún mikinn áhuga á næringu og öllu því sem tengist heilbrigðu líferni.
Heiðrún segir að þumalputtaregla hennar varðandi mataræði sé einföld en hvorki vinsæl né auðveld.
„Þetta getur ekki verið svona einfalt hugsar fólk, en [hún] er mjög einföld: Borðaðu mat,“ segir Heiðrún.
„Fólk flækir þetta rosalega fyrir sér, hvað er matur? Matur er eitthvað sem þú finnur í náttúrunni. Það er ekki búið til, það er ekki mikið unnið, eitthvað í eins náttúrulegri mynd og þú getur hugsað þér […] Eins og egg, óunnar kjötvörur, óunnar mjólkurvörur, grænmeti, ávextir, hnetur og fræ. Þetta er allt saman matur. Kjötbúðingur og beikon, það er ekki matur. Þetta er spari, þetta er rusl og við borðum það kannski einu sinni í viku en ekki mikið oftar.“
Hún útskýrir þetta nánar í spilaranum hér að ofan og ræðir einnig um ketó mataræðið.
Horfðu á þáttinn í heild sinni hér, eða hlustaðu á hann á Spotify.
Fylgstu með Heiðrúnu á Instagram.
